يبغـض الله الطـلاق

استعرض الموضوع السابق استعرض الموضوع التالي اذهب الى الأسفل

يبغـض الله الطـلاق

مُساهمة من طرف طائر السماء في 24/12/2014, 11:01 pm

يالي تدّعيـن الضيـق وإنتـي فـي سعـه==الضيق للي ما اتّسع له صـدر محبوبـه لضـاق

القلـب نفسـه عنـد متبهـذل .. وعنـد مدلعـه==الفرق في صدق المشاعر.. والأحاسيس الرقـاق

الله ياكم لـي وانـا منـك الوفـاق .. استطلعـه==والحين .. لا إنتي .. ولا قلبك .. ولا حتى الوفـاق

آخـر حكايـة حـب وأول جـرح كنـت اتوقعـه==اللي بـرواق تحبنـي.. تقـدر تفارقنـي بـرواق

إحساسك أصلا مـا يناسبنـي وانـا مـا انفعـه==ما دام لي مبـدأ ولـك رغبـه بتغييـر الرفـاق

الناس قالت: من يبيعك واشتـرى غيـرك.. بعـه==لا تلحق اللي منك ما يستاهـل اسبـاب اللحـاق

إختـرت امـوت ولا يقولـون الخلايـق:إمعـه==وأخترت افارق.. والصدق يا كره كرهـي للفـراق

اصبحـت مثـل اللـي يـدوّر للجهـات الأربعـه==راح الجهات الأربع.. ومازال في نفـس النطـاق

المشكلـه ودّه يفضفـض لكن الكـلٍ يصفـعـه==من حيث ما وجّه بوجهه .. للاسف يلقـى طـراق

الحـزن يجتاحـه وشكّـل فـي حياتـه زوبعـه==وإحساس باهمال الجميع.. يضاهي إحساس المعاق

الظاهر إن الناس في قلـب المـو اجـع مبدعـه===والظاهر إني صرت ممن .. لا يطيق .. ولا يُطـاق

الحب.. من ذا اللي يقـول: الحـب دنيـا ممتعـه==في ذمتي ما يقولها لو كـان ممـا ذقـت .. ذاق

إن شاف نفس اللي اشوف.. وما سمعته يسمعـه==يختار له نار الفـراق .. ولا يجـي جنـة عنـاق

العاشق اللي ما معـه غيـر إ نتفاضـة مدمعـه==الله يكون بعون قلبـه .. واحتراقـه .. إحتـراق

إن جيت تلقـى حالتـه حالـه وشبـه مضيّعـه==أحيان يتنفس ولكـن أغلـب الحـال .. اختنـاق

إنهد حيلـه وإنجـرح وإحتـاس فـي هالمعمعـه==محتار ما يدري على ويـش الزعـل والإنشقـاق

إنصـب تفكيـره علـى (مـاذا وراء الأقنـعـه)===مسكين كان آخـر ضحيّـه للخيانـه .. والنفـاق

الحين يا ضـدّه تكـون النـاس .. ولاّ يـا معـه===ما يعترف بالأوسطيـه .. و الثقـه .. والإتفـاق

أرثي لحاله عندما يكتـب علـى الرمـل اصبعـه==(هذي نهاية مـا يسمونـه .. محبـه وإشتيـاق) .

الصدمه اللي سبّبـت هالحـال .. جـدا موجعـه==أشبه بصدمة أمـة الإسـلام فـي أرض العـراق

إبـن الملـوّح يتبـع أهـواءه .. وحنـا نتبعـه==يعني انا وآلاف غيري .. نندرج ضمـن السيـاق

الصدق .. لو هم الرجـل فـي كلمتيـن ٍ تقلعـه==ما تمنعه أحيان .. كلمـة (يبغـض الله الطـلاق)

السالفـه أكبـر مـن انـه يمتنـع .. او تمنعـه==ما دامت الدعوه.. مصير إنسان مربـوط بوثـاق

إن حـب ..حـب.. الله يعينـه والحشـا متولعـه==من وين ما قلبه يسوقه من ورى خشمه يسـاق

الـود ودك لا وصـل للوضـع هـذا .. تقنـعـه===(مهما إستمر الحب.. يبقى آخر الحب .. إ فتراق)

أكبر غلط لـو شخـص متبهـذل يحـب مدلعـه===والإخت ما تقدر توسّع خاطـره مـره .. لضـاق

avatar
طائر السماء
مهتم بدراسات الفتن والملاحم

عدد المساهمات : 254
تاريخ التسجيل : 21/12/2014

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى