الـريـح لـومـا ننحني ..تجعل جثثنا طايحه

استعرض الموضوع السابق استعرض الموضوع التالي اذهب الى الأسفل

الـريـح لـومـا ننحني ..تجعل جثثنا طايحه

مُساهمة من طرف طائر السماء في 24/12/2014, 11:40 pm

ترى حزني سما..والصبر ماظنه جميل
إسمع شقول بقصتي ..ترى المعاني جارحه

عطني عيونك ينتهي بردي وذا الليل الطويل
وأعطيك روحي والعمر...وإقرا علي الفاتـحه

راحـت حياتي كلـها ..مابين غـربه أو رحـيـل
كيف أغترب في موطني..هذي الهزيمه فادحه

كم قالوا إن الموت حق..لكن أنا مثل النخيل
أمـوت واقـف كالنخل ..وسيول جنبي طافحه

مخدوع من قال الفرح طعمه كطعم السلسبيل
الحزن يجري بالعروق..مثل الخيول الجامحه

إستسلمت كل الدروب..في كفي الغض الهزيل
وإنـتـحـرت دمـوعـي حـزن..ليله لقانا البارحـه

خذ مهجتي لجلك دفا..وإشرب حناني زنجبيل
ثلج المسافه نبعده ..وأشوف بسمه واضحه

يمكن تعيش الحب جنه..أو ليالي من عويل
لـكـن تـحـذر تـخـضـع بـراسك ..لعذرا نايحه

زلزل طموحك..لا تكون القاتل أو حتى القتيل
هـذي السعاده تـعـشقك مره..ومره رايحه

الحب ترى دنياك صعبه..مايعيش إبها الذليل
إهمس لوقتك بالحقيقه..وإن رفضها صارحه

لا تكتئب..لا تنجرح..واجه صحاري المستحيل
الـحـزن لـومـا صـافحك..لازم عليك إتصافحه

الوقت لو صدك ..تأكد إنك إنت..إنت الأصيل
يبقى شموخك مرتفع ..مثل الطيور الجارحه

كون الجبل ..كون بحياتك كلها عابر سبيل
وإن ظامك الدهر بكفوفه وبجروحه..سامحه

هذا الزمن دايم كذا..إن مال ولا له نميل
الـريـح لـومـا ننحني ..تجعل جثثنا طايحه

avatar
طائر السماء
مهتم بدراسات الفتن والملاحم

عدد المساهمات : 254
تاريخ التسجيل : 21/12/2014

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى