التقينا محض صدفة وحسب إنّي صرت زاهـد

استعرض الموضوع السابق استعرض الموضوع التالي اذهب الى الأسفل

التقينا محض صدفة وحسب إنّي صرت زاهـد

مُساهمة من طرف طائر السماء في 24/12/2014, 11:58 pm



التقينا محض صدفة وحسب إنّي صرت زاهـد === واثري الكامن غرامه تحت سطحٍ مـن جليـد
درةٍ من صنع ربي مـن رآهـا خـرّ ساجـد ==== لو هقيت انـي بجنّـة قلـت حوريـة شهيـد
ويش ابوصف ويش اخلي كل وصفٍ غير وارد ==== ما بقى قاموس يكفـي لـو بأوصافـه فريـد
مهرةٍ من نسل يعـرب ساقهـا للطيـر طـارد ==== واثره المطـرود منهـا لـو يهاجـر للبعيـد
كنت تايه في الحقيقة عابـرٍ مـا كنـت رايـد ======= وعندمـا شفـت البنيّـة صوبتنـي بالوريـد
حاورتني بالعيون وسددت لـي سهـم واحـد ==== كان كافي صيـد قلـبٍ عادتـه دايـم يصيـد
قلت مرحا ، واثر دمعة حايرة والفكـر شـارد ==== ربي وش فيها عليّه كيـف أبفهـم مـا تريـد
سايرة والدرب مظلـم لا شمـوع ولا مواقـد ==== كل شيٍّ ضاع منها مـا بقـى غيـر النشيـد
تشتكـي ظلـم الأقـارب مالهـا أمٍ ووالــد ====== وكشفت لي عن خواته كيـف بيعـن بالزهيـد
ذكرتني كيف سبتـه واختهـا مليلـة تناشـد ==== داخل المغـرب ولكـن حاكـم الاسبـان سيـد
وذكرتنـي بلكنـاري والأثـر لا زال خـالـد ==== بعدها الاسنكندرونـه لانقـره راحـت جحيـد
ولتميم بيوم دولة خلـف شـط العـرب واكـد ==== باقية عبـدان تذكـر كـل ماضيهـا المجيـد
وين جزرٍ بالخليج كيـف سرقـت كالقصايـد ==== وين حيفا ووين يافا والقـدس تحـت الحديـد
وابتدت تذكر ليالٍ حمـر مـع كبـر الموايـد ===== فالحفـل كـرٌ وفـرٌ بيـن ولــدان وغـيـد
التفت ابغى الحبيبـة اختفـت والجـو بـارد ===== وين راحت صرت مادري فالزحام اصبح شديد
قمت أدوّر بالحـواري والمشافـي والمساجـد ===== من سألته قال ما ادري وابتدى شكـي يزيـد
ولمح رجالٍ تعـدّوا شايليـنٍ شخـص راقـد ====== في ظلام الليـل يمشـوا مثـل سـرّاقٍ بليـد
واصرخ بأعلى جنونـي كلكـم بالقتـل عامـد ==== ويلكـم مـن رب عالـم ماتخافـون الوعيـد
خذتها للحضن لحظـة واستقـرت كالشواهـد ==== وسط قلبي قبر تسكـن لينمـا البعـث الأكيـد
ومات قلبي من نحيبه واندفـن معهـا كشاهـد === ثـم بعثـوا للعدالـة يـوم لا مـال وولـيـد
وابتدى ربي يحاكـم كـل مجـرم لـو يعانـد ==== كل شي صار واضح من صفر لأعلى رصيـد
وابتدت تشـر عليهـم كلهـم مذهـول هاجـد ===== ويصـدر الجبّـار حكمـه ولجهنـم لا محيـد
من تجبّر دون وازع مـا يبـي هـرجٍ لناقـد ===== يحسبن المـوت ملكـه يأمـره مثـل العبيـد
ومن يفرط في الأمانة او عطاها شخص فاسـد ==== ومن يذل الناس تخضع روسها حتـى العويـد
ومن شرا بالفلس شيخٍ حلل التحريـم قاصـد ====== ومن سرق دم الحيارى وش بقى لك يالحفيـد
لو تصدق ، لو تبرع ، لو بنـى كـل المعابـد === كل شي صار واضـح لـو يرقـع مـا يفيـد
ومن شرا بالدين دنيـا دايـمٍ للفلـس عابـد ==== سخر علومـه لخدمـة كـل شيطـان مريـد
يالحبيبة لا تخافـي لـو زمانـك مـا يساعـد ==== دام فيـه الله أكبـر ينبعـث مـجـدٍ جـديـد


avatar
طائر السماء
مهتم بدراسات الفتن والملاحم

عدد المساهمات : 254
تاريخ التسجيل : 21/12/2014

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى